لـۆگـۆیێ فــەرمی یێ کـۆلێــژا هــونــەرێن جــوان
سالا: 2026
پشتی جڤاتا کۆلیژا هونەرێن جوان هاتییە دامەزراندن، هزر د دەستنیشانکرنا مژارەکا تایبەت دا هاتە کرن بۆ بنگەهێلۆگۆیێ کۆلیژی؛ بڕیار هاتە دان کو کەرەستەیێ (مەتریالێ) سەرەکی یێ ڤی کاری ژ بەرمایکێن شوینواری یاندیرۆکی پێک بهێت. ل پاییزی سالا بۆرى، گوهدار سەلاحەدین وەک هونەرمەندەکێ گرافیک دیزاینەر هاتە ڕاسپاردن بۆدروستکرنا لۆگۆیی.
ب ڕاوێژکاریا شوینوارناس مامۆستا کۆڤان ئیحسان و پشتی دویڤچوونێ، دیار بوو کو دیزاینەکا ڤەشارتی ل سەرێچیایێ داکا ل پارێزگەها دهۆکێ هەیە. بۆ ئێکەم جار ئەڤ دیزاینە هاتە دیتن پشتی کو کامیرەیا فڕۆکەیەکێ ل هنداڤیچیای هاتییە بلندکرن؛ ئەڤ دیمەنێ بالکێش هاتە دیتن کو دبیت ب دەستێ باب و باپیرێن مە بەری هزاران سالانهاتبیته دروستکرن. ئەڤ وێنەیە وەک نەخشە (زەخرەفە) بوویە کەرەستەیێ سەرەکی د لۆگۆیێ کۆلیژا هونەرێن جواندا.
ئەرک
بەلاڤکرنا ڕەوشەنبیریا هونەری یا بلند و پێشێخستنا زەوقێ جوانکاری ب ئاوایەکی کو پشتهەڤیا پەیوندیا شارستانی بکەت و گەشەپێدان و پێشکەفتنێ د جڤاکی دا ب دەستڤە بینیت، دگەل کارکرنێ بۆ دابینکرنا کادرێن هونەری یێن پسپۆر بۆ کەرتێ تایبەت و دامەزراوەیێن حکومی، کو د سەر ئاستەکێ بلند یێ شیانێن زانستی و تەکنیکی دا بن و بشێن بچنە د ناڤ بازارێ کاری دا.
- کۆلیژ یا پێگیرە ب پێشێخستنا بەردەوام یا پرۆسەیا خویندنێ ژ رێیا نووژەنکرنا پرۆگرامێن خویندنێ و بکارئینانا ڕێبازێن نوی یێن وانەگۆتنێ، ئەوێن کو جەختێ ل سەر هزرکرنا ڕەخنەگرانە، تاقیکرنا هونەری و چارەسەرکرنا کێشەیا دکەن، ب ئاوایەکی کو دگەل پێشکەفتنێن جیهانی د بوارێن هونەر و تەکنۆلۆژیایێ دا بگونجیت.
- هەروەسا کۆلیژ گرنگیەکا سەرەکی ددەتە ڤەکۆلینێن زانستی و بەرهەمئینانا هونەری، و هاندانا ئەندامێن دەستەیا مامۆستایان و قوتابیان دکەت بۆ ئەنجامدانا ڤەکۆلین، لێکۆلین و پڕۆژەیێن هونەری، ئەوێن کو پشکدارن د دەوڵەمەندکرنا زانین و مەعریفەیا هونەری دا و چارەسەرکرنا کێشەیێن ڕەوشەنبیری و جڤاکی یێن جڤاکی.
- کۆلیژ کار دکەت بۆ هێزکرنا خزمەتکرنا جڤاکی ژ ڕێیا چالاکییێن هونەری، پێشانگەهـ و بۆنەیێن ڕەوشەنبیری، و ئاواکرنا هەڤپشکیێن کاریگەر دگەل دامەزراوەیێن ئەکادیمی، ڕەوشەنبیری و هونەری، دا کو پشکداریێ د جێگیرکرنا ڕۆلێ هونەری دا بکەت د گەشەپێدانا بەردەوام دا و بێهێزکرنا ناسنامەیا ڕەوشەنبیری.
دیتن
هونەر فەلسەفەکا مرۆڤایەتییە و سەرچاوەیێ دانایی و چاکسازیێیە، و پەیامەکە کو داهێلێتە د ناخ و ویژدانی دا، دەربڕینێ ژ هزرو هەستان دکەت، و ڕەنگڤەدانا خەم و هیڤیێن جڤاکی یە. ئاواکرنا هونەرەکێ بلند ل سەر بنەمایێن زانستی و مێتۆدی، دێ بیتە ئەگەرێ پێشڤەبرن و بلندکرنا ئاستێ خویندنێ، ڤەکۆلینان و داهێنانا هونەری ل سەر ئاستێ ناڤخۆیی و هەرێمی، ب ئاوایەکی کو پشکداریێ د پێشڤەچوونا جڤاکێ کوردستانێ و عێراقێ دا بکەت د بوارێ ڕەوشەنبیری و هونەری دا.
فێستیڤـــــــاڵ | کۆلیژا هونەرێن جوان
پـــەیڤــــا ڕاگـــری
کەیفخۆشم کو بێخێرهاتنا هەوە بکەم بۆ مالپەرێ ئەلیکترۆنی یێ کۆلیژا هونەرێن جوان ل زانکۆیا دهۆکێ؛ ئەڤ دەزگەهێ ئەکادیمی یێ کو ئەم شانازیێ ب سەرپشکبوونا وێ بۆ عەردەکێ دێرین دکەین، یێ کو د درێژاهیا دیرۆکێ دا شارستانیێن ل دویڤ ئێک ب خۆڤە گرتین و میراتەکێ هونەری یێ بێ وێنە بۆ مرۆڤایەتیێ هێلای، ژ نەخش و کۆلارێن ئاشوری یێن دێرین و خەمل و شینوارێن ئێزدیان یێن ڕەسەن، تا کو ئاوازێن مۆزیکا کوردی و ڕەنگێن جلوبەرگێن کەلتووری و جوانیێن هونەرێ میللی یێن کو بەرەبابەكی بۆ بەرەبابەكی دی ڤەگوهاستی. ژ ڤێ کانیا زەنگین ئەم دیتنا خۆ وەردگرین، و ژ ڤێ عەردێ ب خێر و بەرەکەت ئەم بەر ب ئاسۆیین جوداهی و داهێنانێ ڤە دچین.
