هونەرمەندێ شێوەکار "فایەق عمر رەسول" سەرەدانا کۆلیژا هونەرێن جوان کر و بەرهەڤییا خوە بۆ پێشڤەبرنا هەماهەنگییا ئەکادیمی نیشان دا

Fayiq Rasol

ل رۆژا ئێکشەمبی، رێکەفتی ١٥-١١-٢٠٢٦، د چوارچۆڤێ گرنگیدان ب پەیوەندیێن هونەری و ئەکادیمی یێن نێڤدەولەتی دا، هونەرمەندێ شێوەکار یێ کورد "فایەق عمر رەسول" ب هەڤالبەندییا د. سوزان عمر رسول ڕاگرا کۆلیژا دەرمانسازی سەرەدانا کۆلیژا هونەرێن جوان کر و ژ لایێ راگرێ کۆلیژێ (د. ئەیوب رەمەزان)، سەرۆکێ پشکا شێوەکاری (د. سەربەست مستەفا)، و ژمارەیەکا ئەندامێن کۆلیژێ ڤە ب گەرمی هاتنە پێشوازیکرن.

د دیدەارەکێ دا، هونەرمەند فایەق عمر رەسول تیشک ئێخستە سەر سەربۆر و ئەزموونا خوە یا هونەری ل وەلاتێ نەمسا. هەروەسا ئامادەییا خوە دەربری ژبۆ دروستکرنا پرێن پەیوەندی و هەماهەنگییا زانستی و کولتووری د ناڤبەرا کۆلیژا هونەرێن جوان و ناڤەند و زانکۆیێن نەمسا یێن تایبەتمەند د بوارێ هونەرێ شێوەکاری دا، ب ئارمانجا پەرەپێدانا شیانێن ئەکادیمی یێن کۆلیژێ.

ژبۆ پشتەڤانیکرنا پرۆسەیا خواندنێ و پەرەپێدانا ئاستێ هونەری یێ قوتابییان، ناڤبری کۆمەکا کار و بەرهەمێن خوە ب شێوەیێ کەتەلۆگ، ل گەل ژمارەیەکا کارێن گرافیکی یێن جیهانی و چەندین کەرەستە و پێدڤیێن پراکتیکی پێشکێشی پشکا شێوەکاری کرن.

ل دووماهییا سەرەدانێ، ب هەڤالینییا راگرێ کۆلیژێ و سەرۆکێ پشکا شێوەکاری، سەرەدانەکا مەیدانی بۆ هۆل و ستۆدیۆیێن وانەگۆتنێ هاتە ئەنجامدان، و ژ نێزیک هایداری کار و بەرهەمێن پراکتیکی یێن قوتابییان بوون، ل گەل دەستخۆشیکرنێ ل ئاست و بەهرەیا وان.