کۆلیژ مە ب ڕێکا پرۆگرامێن خۆ یێن ئەکادیمی یێن جۆراوجۆر بزاڤا پێگەهاندنا هونەرمەند، دیزاینەر و ڤەکۆلەران دكەت کو بشێن هەڤسەنگیێ دگەل گوهۆڕینێن بلەز د بوارێن هونەرێن بینرای، دیزاین و هونەرێن نمایشی دا بکەن، ب شێوەیەکێ ئەو بهێنە بەرهەڤکرن دا پشکداریەكا کاریگەر د بازارێن پیشەیی و دەزگەهێن ڕەوشنبیری دا ل سەر ئاستێ ناڤخۆیی و نێودەولەتی بكەن. هەروەسا ئەم گرنگیەکا مەزن ددەینە ڤەکۆلینێن زانستی و بەرهەمێن داهێنانێ، چونکی ئەو کۆلیژا ڤەکۆلین و نویگەریێ دکەتە پشکەک ژ پەیاما خۆ، پتر دشێت فێرکرنەکا جۆری بەرهەم بینیت.

ئەم بەردەوام کار دکەین بۆ پێشڤەبرنا پرۆگرامێن خۆ یێن خواندنێ و نویکرنا ژێرخانا خۆ یا فێرکاری و تەکنیکی ب شێوەیەکێ کو دگەل پێوەرێن کوالێتی و باوەرپێکرنا ئەکادیمی بگونجیت، و هیڤیێن قوتابیێن مە، ئەندامێن دەستەیا وانەبێژان و پشکدارێن مە د جڤاکی دا بجه بینیت. ئەم پشکداریا هەموویان بلند دنرخینن، ژ مامۆستا، فەرمانبەر، قوتابی و دەرچوویان، د ئاڤاکرنا ناڤودەنگیا پێگەهێ کۆلیژێ و جێگیرکرنا هەبوونا وێ یا ئەکادیمی و ڕەوشنبیری دا.

ل دووماهیێ، بێخێرهاتنا هەمی سەرەدانکەرێن ڤێ مالپەرێ دکەین، و هیڤیدارین کو بیت پەنجەرەکا ڕاستگۆ کو رەنگەدانا ناسنامەیا مە بیت و دەرفەتا پەیوەندی، هەڤکاری و ئالۆگۆڕی یا زانینێ بیت. پاشەڕۆژا هونەر و ڕەوشنبیریێ ژ ئالیێ وان کەسان ڤە دهێتە ئاڤاکرن یێن کو باوەری پێ هەی و هەولێن خۆ بۆ خزمەتکرنا وان تەرخان دکەن، و ئەم ل ڤێرێ بەردەوام کار دکەین دا کو ل سەر ئاستێ ڤی ئەركی و وێ باوەریێ بین.

دگەل ڕێز و پێزانینێن دلسۆزانە

د. ئــەیــوب رەمــەزان فـــەتـــاح

ڕاگرێ کۆلیژا هونەرێن جوان

زانکۆیا دهۆک