دەربـــارەی مـــــە
هـــەیــکەلێ ئـــەكادیمـی یێ كــــۆلیــژێ
كۆلیژا هونەرێن جوان ژ سێ پشکێن ئەكادیمی یێن بسپۆر پێكدهێت، كو ئەڤەنە:
پشـــکا شـــانۆیێ
یا تایبەتمەندە د گوتنەڤەیا تیۆری و هونەرێن شانۆیێ دا (هونەرێ نواندنێ، هونەرێ دەرهێنانێ، رەخنەیا شانۆیی، تەکنیکێن شانۆیێ)، و بدەستڤەئینانا شیانێن هونەری و مەعریفی دا کو دەرچوویان بەرهەڤ دکەت بۆ کارکرنێ د بوارێن گرێدای دا.
پشــكا هـــونــەرێن شێـــوەكاری
یا تایبەتمەندە د فێرکرنا هونەرێن شێوەکاری دا (وێنەکێشان، پەیکەرسازی، گرافیک) و گەشەپێدان و پێشئێخستنا شیانێن هونەری، ب رێیا پەیڕەوکرنا میکانیزما تێکەڵکرنا لایەنێ پڕۆگرامی بۆ تەکنیکێن نەریتی و سەردەم، ب مەرەما پێگەیاندنا کادرێن خودان ئاستەکێ پێشکەفتی یێ مەعریفە و شارەزایی د بوارێ هونەرێن شێوەکاری دا.
پشــــكا میــۆزیكێ
یا تایبەتمەندە د بوارێ زانستێ میۆزیكێ و فێرکرنا وێ دا، ب رێیا تێکەڵکرنا د ناڤبەرا لایەنێ تیۆری و پرۆژەیی (تەتبیقی) دا، ب مەرەما پێگەیاندنا کادرێن بسپۆر د بوارێ ژەنین و ستران گۆتنێ دا.
ئـــارمــانجێــن ستـــراتیژی
- ئاڤاکرنا پڕۆگرامێن زانستی د پشکێن هونەرێن شانۆ، مۆزیک، و هونەرێن شێوەکاری دا ب شێوازەکێ کو هاوتەریب بیت دگەل گۆڕانکاریێن هونەری و تەکنیکی یێن سەردەم ل جیهانێ.
- پێشئێخستنا ڤەکۆلینێن زانستی و هاندانا داهێنانێ د هەمی پسپۆریێن هونەری دا و پشتەڤانیکردنا کارێن داهێنەرانە.
- توندکرنا پەیوەندیان دگەل جڤاکی ب رێیا ئاڤاکرنا پران و دانانا پەیوەندیێن کارا د ناڤبەرا پشکێن کۆلیژێ و دامەزراوەیێن دی دا بۆ گۆڕینەوەیا شارەزاییێن هونەری و رۆشنبیری، و ئەنجامدانا پرۆژەیێن هەڤپشک.
- بەرهەڤکرنا قوتابیان ژ لایێ هزری و هونەری ڤە ب ئاوایەکێ کو شیانێن هەڤڕکیێ د بازاڕێ کارێ دا بهێز بکەت.
- جێبەجێکرنا سیستەمێ جودەت و باوەرپێکرنا ئەکادیمی (الاعتماد الأكاديمي) و پشتبەستن ب پێوەرێن جیهانی یێن سەردەم.
- پشکداریکردن د گەشەپێدانا تام و چێژا هونەری و جوانیێ د ناڤ جڤاکی دا ب رێیا داڕشتنا پڕۆگرامان، سازکرنا خۆلان، و ئەنجامدانا کاران ل گۆرەی هەر پسپۆریەکێ.
- پێشئێخستنا کادرێ ئەکادیمی و کارگێڕی د هەر سێ پشکان دا و گەشەپێدانا شیانێن وان، بۆ هاوشانبوون دگەل پێشکەفتنێن تەکنۆلۆژی یێن سەردەم.
- پشکداریکردن د چالاکی، کۆنفرانس، و فێستیڤالێن هونەری و رۆشنبیری یێن جۆراوجۆر دا ل سەر ئاستێ ناڤخۆیی و هەرێمی.
- تەرکیزکرن ل سەر گرنگیپێدان و پاراستنا رۆشنبیری و کەلەپوورێ کوردستانێ و عێراقێ، و ئاوێتەکرنا وێ د ناڤ هونەرێن شانۆ، مۆزیک، و هونەرێن شێوەکاری دا، ب شێوازەکێ کو شوناسا رۆشنبیری بچەسپینیت و مۆڤایەتیێ ئاڤا بکەت.